Comune di Ghilarza

Comune

Home > Comune > Ufitziu de sa Limba Sarda

Ufitziu de sa Limba Sarda

Su Comune de Bilartzi, cun su progetu finantziadu dae sa Presidèntzia de su Cussìgiu de sos Ministros cun sa Lege n. 482/99 Normas in matèria de tutela de sas minorias linguìsticas istòricas, at apertu s'Ufitziu de sa Limba Sarda.

S’artìculu 2 de sa Lege n. 482/99 narat ca s’Istadu Italianu, cunforme a sa Costitutzione e fintzas sos printzìpios de organismos europeos e internatzionales, paris cun àteras limbas de minoria, tutelat sa limba sarda.

Custa Lege cunsentit de apèrrere isportellos linguìsticos in sos Entes pùblicos interessados, pro impreare su sardu in s’Amministratzione Pùblica, in sos ufìtzios e cun sos tzitadinos, pro dare dignidade a sa limba sarda e assegurare su diritu de dda podere faeddare in totue, fintzas in sos logos pùblicos.

S’isportellu linguìsticu traballat pro custas atividades:

promotzione e collaboratzione a initziativas de informatzione e connòschentzia de sa legislatzione pro sa valorizatzione e tutela de sas limbas de minoria: leges natzionales e regionales, cartas e decraratziones internatzionales;
tradutziones in limba sarda de àutos ufitziales (regulamentos, ordinàntzias, deliberatziones, decretos, determinatziones e normativas), comunicatziones pro sos tzitadinos, iscritas de ogni zenia;
organizatzione e difusione de modulìstica in sardu pro sos tzitadinos;
collaboratzione cun amministratziones pùblicas e privadas, entes locales, iscolas e sòtzios pro favorire, cun ogni mezu, s’impreu de su sardu in s’Amministratzione pùblica, in sa sotziedade e in su territòriu.

S’Ufìtziu comunale de sa Limba Sarda est in su Munitzìpiu.
Oràriu de apertura: su lunis dae sas deghe de manzanu a sa una de manzanu (10,00 - 13,00)